الرئيسيةالتسجيلدخول

شاطر | 
 

 المنتــــــــــــــوف, قعده جااامده جدااااا ادخلوا ومش حتندموا

اذهب الى الأسفل 
كاتب الموضوعرسالة
Foda
Admin
avatar

ذكر
عدد الرسائل : 229
العمر : 30
الموقع : www.as7abak.yoo7.com
العمل/الترفيه : Writing - Acting
المزاج : مجروح
تاريخ التسجيل : 15/02/2008

مُساهمةموضوع: المنتــــــــــــــوف, قعده جااامده جدااااا ادخلوا ومش حتندموا   السبت مارس 01, 2008 2:43 am

الوووو ايوه يا سيد افندي انت فين ياراجل الجماعه قاعدين من الصبح مستنيين انت اتاخرت ليه

سيد افندي : معلش يا محمد يا مصري مسافه السكه حلبس واجي علي طول اصل راحت عليا نومه انهارده كان عندي مشوار اتبهدلت فيه اخر بهدله

انا : ماشي يا سيد افندي انا مستنيك انا والجماعه اصلنا قلقنا عليك اوي لما اتاخرت كده

سيد افندي : لا يا سيدي طمنهم انا جاي في السكه اهو بس اجي الاقي الحجر شغال اصلي انهارده كان يوم مرهق اوي

انا : ماشي يا سيد افندي توصل بالسلامه يالا بقي مع السلامه ومتتاخرش علينا احنا في انتظارك

وانتهت المكالمه التليفونيه والجميع يطمئن نفسه بسلامه صحه سيد افندي ثم بادرني المعلم حنفي بالقول :

مش بعاده سيد افندي يتاخر ده بيجي اول واحد مواعيده اكسترا

رمزي بيه : معلش يا جماعه الغايب حجته معاه هو لما حييجي حنعرف منه اتاخر ليه

تيتو : اه والله ده حتي سيد افندي قعدته حلوه ومن غيره القعده متكملش

انا : يا جماعه متستعجلوش ده خمس دقايق ويكون هنا اصبروا بس وحنعرف كل حاجه لما ييجي انا خايف بس لايكون تعبان ولا حاجه خصوصا انه تقل العيار في قعده امبارح حبتين


ولم يمر كثير من الوقت الا وسيد افندي امامنا واخذ مكانه في القعدة وبعد عبارات الترحيب المعتاده بدأت انا بالكلام

ايه خير يا سيد افندي مالك كده وشك اصفر ولونك مخطوف وشكلك مرهق اوي كده

رمزي بيه : اه صحيح يا سيد افندي مالك مقلتلك يا اخي سيب الوظيف الحكومه دي وتعالي اشتغل عندي في الشركه

سيد افندي : اسيب الوظيفه !!!!!! يا نهار اسود واعيش ازاي من غير روتين ده بقي حياتي كلها هو انا ليا خير الا في لطعه الناس كل يووم

انطلقنا جميعاً في الضحك حتي احمرت عيوننا وقد لعب الدخان دوره في اضفاء جو من الدفء في المكان فاذا بالمعلم حنفي يسال في دهشه :

امال ايه اللي تعبك انهارده لدرجه انك اتاخرت عن معادنا ده انت معملتهاش يجي من سنه

سيد افندي : ابداً يا جماعه ده انا كنت بذور الواد ابني منصور اصله في الجيش قلت اروح اطل عليه واطمن علي احواله اصله منزلش بقاله شهرين

المعلم حنفي : واخباره ايه ده الواد منصور ده راجل من يومه

رمزي بيه : هو معاه شهاده ايه يا سيد افندي

سيد افندي : دبلوم تجاره انا عارف بس الواد ده طالع فاشل لمين

تيتو : هههههههههه حيكون لمين يعني

نظر له المعلم حنفي نظره ملؤها الشر وسهام ناريه تكاد تنطلق من عينيه لتصيب تيتو المسكين في مقتل الا ان سيد افندي لم ينتبه لمغزي كلمات تيتو فاكمل قائلاً

والله الواد متبهدل في الجيش اخر بهدله ده انا لما شفته صعب عليا والله ما عرفتو الواد بقي شبه عصايه المقشه اتسحل هناك ياحبه عين امه وبقي لون الفحمايه

ولا دماغه واخدنهاله زيرو والواد راسه كبيره زي امه بقي شكله زي الديك المنتوف

رمزي بيه : ههههههههههههههههه يو جتك ايه يا سيد افندي ضحكتني يا شيخ والنفس في صدري كوووح كح كح كوووووووح اتفووو ( الحمد لله ) ها كملي بقي الواد ظروفه عامله ايه في الجيش

سيد افندي : الواد ده اصل حظه شويه طول عمره جبتله واسطه علشان تجيبه هنا في المطافي جنبنا قام الراجل طلع معاش

تيتو : طب ما تحكيلنا يا عم سيد ايه اللي بيشوفه في الجيش وبيعاملوهم هناك ازاي دهه الواحد مرعوب خالص من حكايه الجيش دي بس الحمد لله انا ماليش اخوات ولاد علشان كده مطمن علي نفسي

المعلم حنفي : ماهي الدنيا كده اللي زيك المفروض يدخلوهم الجيش بالعافيه علشان يتعلموا المرجله بدل مانت عامل زي النسوان كده

تيتو : لا احترم نفسك يا معلم وانت بتتكلم معايا هي سايبه ولا ايه

رمزي بيه : ماتصلوا علي النبي يا جماعه واطردوا الشيطان هو احنا في ايه ولا في ايه

سيد افندي : ما ترصلنا حجر كمان يا مصري الحجر ده خلص اواام كده ليه انت مالك يا اخي بقيت بخيل كده ليه وفين الشاي المعتبر بتاعك

انا : ثواني ويكون الشاي جاهز بس كده ده انت تأمر يا سيد افندي

وجلسنا نحتسي اكواب الشاي الساخنه والتي بعثت الدم في عروقنا من جديد وهنا لم استطع نفسي من سؤال سيد افندي من سؤال يلح علي :

الا صحيح يا عم سيد انت زعلان ان ابنك منصور في الجيش وانه جندي بيدافع عن تراب بلده ؟؟

سيد افندي : والله مش عارف يا محمد يبني اصل الواد صعب عليا اوي منظره كده ده انت لو شفته متعرفوش

انا : بس برده يا سيد افندي البلد محتجاله واحنا ولادها ولازم ندافع عن تراب ابلد دي بدمنا

سيد افندي : يعني هو مفيش غير ابني اللي حيدافع مالفي مليون واحد غير ابني كان زمانه في الاردن دلوقتي شغال زي زمايله اللي خدوا اعفا

رمزي بيه : وهو يعنيولادنا هخيرهم وتعبهم يطلع لبلد تانيه ومتسفدش بيه البلد اللي اتربوا في خيرها

المعلم حنفي : زين كلامك يا رمزي بيه يسلم خشمك

انا : رمزي بيه كلامه صح ياعم سيد اظن بقي مفيش كلام حلو بعد كده

سيد افندي : ياخوانا انا مش معترض انه يخدم بلده بس انتو مش عارفين اللي بيحصلهم دول بيتبهدلوا اخر بهدله لا لقمه عدله ولا هدمه نضيفه يلبسوها ولا حتي نومه مرتاحه

طب واللي غايظني هما ليه بيحلقولهم زيرو كده هو يعني الدفاع عن البلد مينفعش وهما بشعرهم

انا : عندك حق يا عم سيد انا بشوف في بلاد بره الناس بتتمني تدخل الجيش علشان تنول الشرف ده بس الحكومه بقي بتوفرلهم امكانيات والراحه اللزمه والاكل ده حتي اللبس يا راجل بيبقي عليه القيمه انتوا مبتشوفوش افلام اجنبي ولا ايه

تيتو : يااااي بقي انا كانوا حيحلقولي شعري زيرو كده وابقي منتوف زي منصور ابنك كده ده انا كان حتي اصحابي في الشله يتريقوا عليا

المعلم حنفي : احابك برده ولا صحاباتك يا خنفس يابو ضفيره

انا : يا معلم حنفي عيب مش كده انت مبطلتش شتيمه في الراجل من ساعه ما قعدنا

المعلم حنفي :راجل!! انتوا حسبتوه علينا براجل كمان

رمزي بيه : طب بس سيبك بس يا معلم حنفي من تيتو وتعالالي هنا احنا مسمعناش رايك في الموضوع ده انت ايه رايك تتمني ابنك يدخل الجيش ويبقي جندي في صفوف قوات بلده ولا عاوزه يقعد جنبك ولا يسافر الاردن زي ما عم منصور عاوز ابنه يسافر ويجيبله قرشين

المعلم حنفي : والله انا متفرقش عندي يدخل مايدخلش هو يعني ابني اللي من غيره البلد حتنهزم في الحرب اهو واحد زي كل الناس زيه زي غيره واهي كام سنه حيقضيها وخلاص

رمزي بيه : طب وانت ياعم سيد مبسوط ان ابنك في الجيش ولا زعلان ؟

سيد افندي : والله انا صعبان بس عليا حاله لو كانوا بس بيقبضوهه قرشين يسندوه ااااااه بس يالا نصيبي كده حعملوا ايه

رمزي بيه : وانت يا تيتو ؟؟

تيتو : انا مالي ياعم جيش ايه يا عمنا اللي بتقولي عليه ده انا بخاف من البمب وصواريخ العيد اقوم اروح الجيش

رمزي بيه : وانت يا محمد يا مصرري رايك ايه ؟

انا : والله يا رمزي بيه انا شايف ان ده واجب وطني لازم تأديه وبنفس راضيه ده يمكن واجب لازم تسعي عليه وان مكناش نستحمل شويه تعب في شبابنا علشان خاطر بلدنا حنستحمل ونشيل عنها امتي

رمزي بيه : والله انا عن نفسي مش ممانع ابني يخش الجيش بس يكون ظابط حاجه كده تليق بمركزه اه انا ابني مش شويه

انا : هي الحكايه حكايه مراكز يا رمزي بيه دي بلدك اللي واجب عليك تدافع عنها ولو عاوزين الجيش يبقي تكييف والخدمه كومبليت يبقي كانوا يخلوا الجيش في مارينا احسن

وانطلقت ضحكات الجميع وسط اجواء الدخان ولم نستقر حتي الان علي راي

لكن انت بقي ايه دورك معانا في القعدة دي وايه رايك في الكلام اللي اتقاااااال ؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://as7abak.yoo7.com
emy
وسام عضو مميز
وسام عضو مميز
avatar

انثى
عدد الرسائل : 33
الموقع : www.as7abak.yoo7.com
تاريخ التسجيل : 24/02/2008

مُساهمةموضوع: رد: المنتــــــــــــــوف, قعده جااامده جدااااا ادخلوا ومش حتندموا   الأحد أبريل 06, 2008 8:27 pm

قاعده بجد هايله
بس بصراحه انا مش معاك المره دي في موضوع الجيش كله كلام انشا بتاع مين ح يدافع عن وطنه ومين ح يحمي ومش عارفه ايه بس الكلام العملي بجد ان الجيش بيضع وقت على الفاضي بالنسبه للشباب
ولا بيعرفويشتغلو ولا يكونو نفسهم ولا يتجوزوا ولا اي حاجه لان انا ليا اصحاب كده وبجد جالهم احباط وكرهو بلدهم وبالذات لما يلاقو البنات كونوا نفسهم وهما لسه
بجد بتبقى حالتهم صعبه
وده راي مش عارفه صح ولا
وميرسييييييييييييييييييييييييييييييييييييي
وعايزه اقول لشيكسو ان انا سبقته في القاعده Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
المنتــــــــــــــوف, قعده جااامده جدااااا ادخلوا ومش حتندموا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.The-Pain.yoo7.com :: المنتديات العامة :: قعدة مزاج-
انتقل الى: