شاورما !!!, لم تلاقي هم تشيله واحساس مفيش مثيله يبقي انت راكب اتوبيس !!

- 947 :w00t1: :w00t1: :w00t1:

- اقفش امه بقالنا ساعه واقفين

- اجرررررررررري يا معلم

- اجري يا ابن ادم جري الوحوش الاتوبيس متلحقوش !!!

- استني ياعم انت ..... استني وانبي ..... ما تستني بقي :021:

وبعد صراع شديد ومعاناه كبيره استطعنا اللحاق باتوبيس الهيئه العنيد الذي يرفض الانتظار فهو يمضي في طريقه وعلي من يريد الركوب ان يأخذ الميداليه الذهبيه في سباق العدائين في الاولمبياد القادم ... اما من يريد النزول في المكان الذي يريده فيكفيه شرف التجربه او ان يكون حاصلاً علي كورساً مكثفاً في القفز بالمظلات

و عن الفتره ما بين الركوب والنزول فحدث ولا حرج واليكم حديثي .... بلا حرج !!!

انا : سيد افندىىىىىىىىىىىىىى

سيد افندي : ايوه يا مصري بسلك نفسي اهو

المعلم حنفي : امسك في ديل الجلابيه وحاول متتحركش !!!

رمزي بيه : كانت شوره مهببه

انا : هو الواد تيتو فين ؟؟

سيد افندي : يا تيتوووووووووووووووووووووووووو

تيتو : :021: شيل رجلك من علي رقبتي حرام عليك :021:

انا : انت فين ياد مش شايفك

تيتو : حتشوفني ازاي وانا تحت رجليك ما تشيل رجلك يابن الفقريه

انا : اشيل رجلي !!!! انت عبيط ياد واحطها فين ان شاء الله .. خليك كده لغايه ما نوصل

تيتو : :021:

سيد افندي : واد يا مصري شايف الوليه اللي هناك دي ؟

انا : اه شايفها مالها ؟

سيد افندي : كانت حاطه اديها في جيب الراجل اللي واقف جنبها

انا : تهيئات ياعم سيد هو انت شايفني اساساً علشان حتشوف اللي في اخر الاتوبيس

سيد افندي : عليا الطلاق كانت حاطه اديها ... استني استني دي بتنزل اهي

انا : ما تنزل ياعم واحنا مالنا

المعلم حنفي : حرااااااااااااااااااااااااااااااااااااااااااااااااااااااااامى

- وعند هذه الصيحه انطلق الجميع ليبحث في جيوبه عن اي شيء واشرأبت الاعناق وحمي الوطيس وازدادت الصيحات .... حراااااامي ... موبايلي .... محفظتي يا حوش ........ المهيه انا لسه قابضها ...... الفانله راحت فين يا نهار اسود الوليه حتقول عليا ايه لما ادخل عليها من غير فانله ....... !!!

انا : سرقوا منك ايه يا معلم حنفي ؟

المعلم حنفي : محفظتيىىىىىىىىىىىى

سيد افندي : كان فيها فلوس كتير ..

رمزي بيه : ولا يهمك يا معلم الرجاله ياما بتتسرق ههههههههههه

المعلم حنفي : المحفظه كانت فاضيه :1bangin: بس انا برده متسرقش

انا : وكل الهيصه دي والمحفظه فاضيه امال لو كان فيها فلوس كنت عملت ايه

المعلم حنفي : انا بشيل الفلوس حوالين وسطي امان برده

تيتو : ابوس ايدك مش عارف اتنفس شيل رجلك اخد نفسين وحطها تاني :021:

الكمساري : العربيه فاضيه قدام يا حضرات

انا : يا اسطي حرام عليك فاضيه فين بس ده انا واقف علي رجل واحده وعلي دماغ صاحبي كمان

الكمساري : اللي مش عاجبه ينزل ..... يالا يا حضرات قدام شويه

المعلم حنفي : طب نزلنا يا اسطي ورينا حتنزلنا ازاي

السواق : اللي عاوز ينزل ينط في الملف اللي جاي علشان الاشاره !!

واحده ست : يا لهوووووووووووووي

المعلم حنفي : في ايه يا ست مالك

نفس الست هي هي : الحقني يا اخويا دكر البط اللي شارياه من السوق سرقوه ولاد الحراميه يا لهوووووووي

رمزي بيه : يا ستي معلش حنعمل ايه حتي الحراميه مفيش في قلوبهم رحمه بيتشطر علي واحده ست غلبانه وياخد دكر البط اللي حيلتها

انا : ما تنقطتنا بسكاتك يا عم رمزي انا موبايلي باين اتسرق هو كمان هو راح فين ابن اللذين ده

رمزي بيه : ههههههههههههههههههه حتي انت كمان يا مصري ههههههههههههه انا الوحيد في الاتوبيس اللي متقلبتش

انا : حرامي غشييييييييييييم سايب اغني واحد في الاتوبيس وقلب الغلابه

سيد افندي : ما تيالا يا جدعان انا مش قادر استحمل انا راكب علي ضهر عيل صغير والواد فيص تحت مني !!

انا : يالا ياعم سيد ....... يا اسطى وانبي المحطه الجايه

السواق : ممنوع يا كابتن نط من الباب علي السريع كده

انا : ياعم نزلنا في المحطه هو ايه اللي ممنوع

السواق : ما تلخص يا كابتن حتنزل ولا لاء

انا : حنزل ياعم الله يخرب بيتك ...... كتفك يا كابتن وانبي ... عديني يا ست

واحد شكله غريب : يالا يا حضرات انا لا جاي اشحت ولا اقول لله معايا فلايه تطلع 100 املايه .. معايا كتاب السحر ... يالا يا مدام اعملي عمل لجارتك اللي كيداكي .... معايا كتاب كيف تتعلم القراءه في اسبوع ... كيس العسليه بنص جنيه يالا يا حضرات حد يقول هات حاجه

المعلم حنفي : عديني ياد يا بتاع العسليه خليني انزل

نفس الواد ابو شكل غريب : خمس مكنات حلاقه بسعر واحده ... علبه امواس بجنيه بس ... خد علبه شوكلاته للولاد .. ودوق قبل ما تشتري !!!

رمزي بيه : يا اخي خدلك جنب خليني اعدي انا كمان

الواد ابو شكل غريب تاني : فانلات وغيارات داخليه جميع المقاسات ... عاين الفانله وال ... بنفسك قبل ما تشتري ... جميع المقاسات وقيس قبل ما تشتري !!!

تيتو : حتي انت يا بتاع الفانلات :021: شيل رجلك يابن الجزمه

انا : خد يا تيتوووووووووو امسك طرف الحبل ده وانا حشدك

تيتو : اشهد ان لا اله الا الله وان محمداً رسول الله ... مش طايل الحبل يا مصري ..... اهو مسكته اهو شدني بقي

- واخيراً وبعد محاولات ثعلبيه ومناورات حربيه اشبه بمناوره بدر او عاصفه الصحراء استطعنا بعون الله ان احنا ننزل من الاتوبيس

انا : ااااااااااه الله يخرب بيت اللي شار علينا الشوره الهباب دي .. كنا ركبنا تاكس احسن

سيد افندي : تاكس ايه يبني ده اقل واجب ياخد عشرين جنيه ادينا ركبنا ووصلنا كلها بجنيه يبقي وفرنا 19

انا : وموبايلي اللي اتسرق ومحفظه عم حنفي ولا تيتو اللي اللوز لزقت في الحجاب الحاجز من كتر ما دوسنا علييه

رمزي بيه : تعيشوا وتتقلبوا يا رجاله انا طلعت نضيف من الحوار ده

انا : ايه ده يا رمزي بيه ... هي جزمتك فين ؟؟؟ هو انت كنت جاي معانا حافي ؟ !!

رمزي بيه : جزمتي !!!! ..... يا نهار اسود ده الجزمه اتسرقت ..... حرااااااااااااااااااااااااااااااااااااااااااااااامي

اظن القعده انهارده حلوه ودمها خفيف بس بصراحه هي حاجه تخلي الواحد يحزن ... بقي يرضيكم يبقي ده حال مواصلاتنا ... طبعاً الكل عارف اللي بيحصل في اتوبيسات الهيئه وان اللي حصل انهارده ده اقل حاجه بتحصل ...
ياريت اشوف رد فعلكم ... وياريت تحكوا مواقف حصلت معاكم في المواصلات مش شرط الاتوبيس ماهي كلها زفت سواء المترو ولا المكروباصات

واشوف وشكم بخير في قعدة تانيه قريباً جدااااً ان شاء الله