الرئيسيةالتسجيلدخول

شاطر | 
 

 ديك البرابر, صدقوني يا جماعه بجد الكل لازم يقراها كلها

اذهب الى الأسفل 
كاتب الموضوعرسالة
Foda
Admin
avatar

ذكر
عدد الرسائل : 229
العمر : 30
الموقع : www.as7abak.yoo7.com
العمل/الترفيه : Writing - Acting
المزاج : مجروح
تاريخ التسجيل : 15/02/2008

مُساهمةموضوع: ديك البرابر, صدقوني يا جماعه بجد الكل لازم يقراها كلها   السبت مارس 01, 2008 2:54 am

يارب ....... يارب ولد يارب ... انت عالم بالحال .... ولد يارب


انا : يارمزي بيه اهدي بس انشاء الله خير

سيد افندي : وبعون الله حتنول اللي في بالك

المعلم حنفي : يارب قوم الست هانم بالسلامه يارب واجعل خلفها الخلف الصالح

رمزي بيه : متشكر يا جماعه متشكر اوي بس الولد انا عاوز الولد

انا : يا سي رمزي بلاش مقاطعه امال دي حاجه بتاعت ربنا ملناش احنا دخل فيها

سيد افندي : ياراجل خلي ايمانك بالله قوي ولد ايه وبنت ايه والله ما بتفرق وساعات البنت بتبقي ابرك 1000 مره من الولد

رمزي بيه : الله يقطع البنات لخلفه البنات انا زهقت خلاص انا عاوز ولد يحمل اسمي ويورث فلوسي وشركاتي وشغلي

المعلم حنفي : بقي ده اسمه كلام ياعالم مين حيورث مين



لولولولوييييييييي

- الف الف مبروك يا بيه اللي جابلك يخليلك

رمزي بيه : هاااااا قولي يا ام السعد ولد ولا بنت

ام السعد : بنت زي القمر تتربي في عزك يا بيه

انا : الف مبروك ياسي رمزي واللي جابلك يا خليلك

سيد افندي : تتربي في عزك

المعلم حنفي : عقبال ما تفرح بعيال عيالها


لكن طبعا رمزي بيه سابنا ومشي والدموع كانت في عنيه معذور الراجل بس ادي الله وادي حكمته وباليل بقي في قعدتنا المعتاده حصل الحوار اللي جاي ده تابعوا معايا


رمزي بيه : وانبي يا محمد يا مصري رصلي حجر متين مش عاوز اشوف بعده اي حاجه ولا افتكر اي حاجه

انا : يا عم رمزي انا مش شايف داعي لده كله ربنا رزقك ببنت زي القمر هو حد طايل دي خلفه البنات عز

رمزي بيه : انا مش عاوز العز ده ، متنازل عنه ، اعمل ايه بس ياربي دي تالت ست اتجوزها وبرده مجابتليش الولد

سيد افندي : طب افرض كانت جابتلك الولد كان ايه اللي حيحصل يعني

رمزي بيه : كان حيحمل اسمي حيورث فلوسي حتسند عليه لما اكبر واعوز اللي يشلني

المعلم حنفي : طب افرض كان طلع واد بايظ ولا مجرم ولا مدمن ولا نسوانجي كنت حتفرح بيه اوي كده لما يشيل اسمك

رمزي بيه : مكنش حيطلع كده علشان كنت حربيه كويس

انا : وانت كمان دخلت في الغيب

سيد افندي : يا اخي ده بتاع ربنا جري ايه يا سي رمزي احنا منعرفكش كده يا اخي

رمزي بيه : اللي مش عاجبه كلامي يمشي مش عاوز اشو حد

انا : ما تحترم نفسك يا راجل انت ده انت في بيتي وان مش عاجبك انت امشي احنا معندناش خلق نتكلم مع واحد ضعيف الايمان زيك كده


مشي رمزي بيه وهو بيعيط وكان صعبان علينا جدااااا انه يوصل بيه الحال للدرجادي علشان كده حصل الحوار ده


المعلم حنفي : عيب كده يا مصري اللي انت عملته ، تطرد الراجل من بيتك يا اخي

انا : ماهو زودها اوي يا جماعه شخط ونتر زي ما يكون شغالين عند اهله مع اننا بنعقله وبنكلمه بالصح وبالصح اوي كمان

سيد افندي : ايوه بس الكلام ميبقاش كده الكلام يبقي بالهداوه

انا : اهو اللي حصل بقي اعمل ايه انا يعني دلوقتي

المعلم حنفي : تيجي معايا علي القهوه اللي بيقعد عليها نروح نستسمحه ونراضيه ونجيبه ونرجع نتفاهم مع بعض بالهدواه

سيد افندي : زين الكلام يا معلم

انا : وانا معنديش مانع انا فعلا زودتها اوي معاه يالا بينا يا جماعه


وخرجنا بسرعه علشان نروح واعتذر لرمزي بيه و نحاول نهديه ونتكلم معاه علشان يرجع عن الكلام اللي في دماغه واول ما روحناله واعتذرتله الراجل قبل اعتذاري وسامحني وقبل يرجع يكمل سهرته معانا وفي طريق الرجوع حصل الحوار ده :


سيد افندي : انا تعبت من المشي ما تيجي ناخد تاكس

المعلم حنفي : يا راجل تاكس ايه ده المشي نعمه والجو جميل

انا : يا جماعه وهو في تاكس حيمشي وسط شوارع شبرا من جوه وحنقوله ايه وانبي ، ده ان لاقينا تاكس اساساً

سيد افندي : ايه ده اللي انا شايفه ده مش دي عربيه الواد تيتو ؟؟

انا : اه صحيح دي عربيته وايه اللي جابه هنا وراكن هنا ليه تعالو نروح عند العربيه نستناه ، كويس اهو لاقينا توصيله الحمد لله

واول ما وصلنا عند العربيه سمعنا اصوات غريبه جواها وطبعا مكناش شايفين حاجه لان الازاز فاميه فقعدنا نخبط علي الباب لغايه ما تيتو فتح وقال :

- انتوا ايه اللي جابكوا هنا وعايزين ايه دلوقتي

المعلم حنفي : اخص عليك عيل نجس ايه اللي انت بتعمله ده يابن الكلب ياواطي

سيد افندي : يالا يا بت امشي من هنا اخص عليكي وعلي اللي رباكي يالا يا بت البسي هدومك وانكشحي بدل ما افضحك في الشارع وارجعك بزفه لاهلك

انا : الله يلعنك يا تيتو هي وصلت السفاله لكده

المعلم حنفي : سيبوني عليه اه ياناري ياما نفسي اقطعك بسناني وقال عاوزين ولاد قال ، تغور خلفه الولاد لو حتطلع زيك يا سافل يا كلب يا خسيس

تيتو : جري ايه يا جماعه هو انتوا حتعيشوا الدور عليا ولا علشان انتوا متجوزين وبتدوقوا العسل ماحنا كمان رجاله وعاوزين ندوق

انا : اخص الله يقطعك طب انا مش متجوز اهو يا كلب وعمري ما افكر اعمل اللي انت عملته ده وفي العربيه كمان في الشارع مفكرتش لو حد حس بيك كان حيبقي منظرك ايه ، مفكرتش لو حد غيرنا اللي شافك كان عمل فيك ايه ، مفكرتش ربنا حيعمل فيك ايه يوم القيامه

تيتو : انتوا عاوزين مني ايه سيبوني بقي في حالي طيرتوا البت مني دي كانت معرفه سودا يوم ما عرفتكم

المعلم حنفي : تفوووووووووو عليك وعلي اصلك غور جتك البلا


وخلع تيتو بعربيته وفك مننا قبل ما نطول رقبته لكن كلنا كان في دماغنا فكره واحده ، فكره قررنا نواجه بيها رمزي بيه اللي كان عاوز الولد ، فكره نواجه بيها نفسنا قبل ما نواجه بيها اي حد تاني وكان الحوار ده :


المعلم حنفي : لا حول ولا قوه الا بالله ، بقي دي خلفه الولاد اللي انت عاوزها يا سي رمزي

سيد افندي : يرضيك ابنك كان يطلع زي تيتو وامثاله ، حتقبلها علي بيتك واسمك ، حتقبل عيل زي ده يورث فلوسك اللي كسبتها بشقاك وتعبك وكل قرش فيها جاي بعرقك ودمك

رمزي بيه : طب ما البت كمان كانت معاه ودي فضيحتها اكبر وعارها اكتر

انا : ابداً يا رمزي بيه العار واحد والهم واحد يعني الحكايه مش حكايه ولد او بنت وزي مانت قلت البنت غلطانه
بس كان في ولد غلطان بس احنا مش في الغلط دلوقتي احنا في مين اللي غلط ، يعني زي ما البت بتغلط الواد كمان بيغلط يعني الفكره كلها في الاخلاق والتربيه والادب والدين ساعتها مش حتفرق ابداً اذا كنت مخلف ولد او بنت المهم اخلاقهم ايه وانت ربيتهم ازاي

وربنا قال في كتابه الكريم : ( بسم الله الرحمن الرحيم ) يهب لمن يشاء اناثاً ويهب لمن يشاء ذكوراً اويزوجهم ذكرنا واناثاً ويجعل من يشاء عقيماً ... ( صدق الله العظيم )

ورسولنا محمد عليه افضل الصلاه والسلام قال : (ما انقطع عمل ابن ادم الا من ثلاث صدقة جارية وعلم نافع وولد صالح يدعو له ) .... صدق رسول الله صلي الله عليه وسلم

والولد يا رمزي بيه معناها في الحديث مطلق يعني ولد او بنت لكن رسولنا المصطفي قال ولد صالح يعني في اخرتك مش حينفعك الا ولدك الصالح وصدقني مش حتفرق ابداً اذا كان ولد ولا كانت بنت

استغفر ربنا يا رمزي بيه وادعيله ربنا يكتبلك الجنه علي ايد بنتك دي


رمزي بيه : استغفر الله العظيم من كل ذنب عظيم والله يا جماعه انا مش عارف اقولكوا ايه انتوا بجد اعز ناس عندي في الدنيا

انا : الحمد لله انك رجعت لعقلك تاني قولي بقي حتسمي الاموره ايه ؟؟

رمزي بيه : حسميها نور علشان لما جت الدنيا نورتلي طريقي

المعلم حنفي : مبروك عليك ما جالك يا رمزي بيه وتتربي في عزك وخيرك

سيد افندي : انهارده يوم تاريخي يا جماعه انا حكتب فيه قصيده متقلش عن 200 بيت

انا : لالالالالالالالالالالا وحياه ابوك ياعم سيد احنا عاوزين نروح بقي نلحق نضرب حجرين نعدل دماغنا اللي اتقلبت دي يالا يا جماعه مدوا شويه قبل ما سيد افندي يعملهاااااااااااا


طبعا مش محتاج اعلق انا بقي علي الموضوع بس عاوز اشوف ارائكم ويارب تكون القعده عجبتكم .... مع خالص حبي ، محمد المصري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://as7abak.yoo7.com
emy
وسام عضو مميز
وسام عضو مميز
avatar

انثى
عدد الرسائل : 33
الموقع : www.as7abak.yoo7.com
تاريخ التسجيل : 24/02/2008

مُساهمةموضوع: رد: ديك البرابر, صدقوني يا جماعه بجد الكل لازم يقراها كلها   الأحد مارس 09, 2008 12:30 am

بجد قاعده تجنن وتحفه وانا استفدت منها

وبصراحه عجبتني شخصيتك يا محمد يا مصري اكتر واحد انت والمعلم عشان انت مطلعو متنور ومتعلم مع ان الاغلبيه في الحقيقه مابيبقوش كده ولو انا غلطانه صحح لي المعلومه دي
وشكرا
وح ابقى اتابع باقي القعدات
ايمي Laughing Embarassed
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
chixoo0

avatar

ذكر
عدد الرسائل : 22
تاريخ التسجيل : 15/02/2008

مُساهمةموضوع: رد: ديك البرابر, صدقوني يا جماعه بجد الكل لازم يقراها كلها   الأحد مارس 09, 2008 12:57 am

يا ريت متبعيش اى اعده يا ايمى علشان انا هكون أعد فى الاعده الى انتى عيزه تعدى فيها وانا مبحبش اسم ايمى وانا لما اقول كلمه تتنفز او ك تبقى تسئلى فايد انا اكون مين اوك الهم حزرت الهم اشهد chixoooooooooooooooooooooooooo Very Happy Very Happy Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
emy
وسام عضو مميز
وسام عضو مميز
avatar

انثى
عدد الرسائل : 33
الموقع : www.as7abak.yoo7.com
تاريخ التسجيل : 24/02/2008

مُساهمةموضوع: رد: ديك البرابر, صدقوني يا جماعه بجد الكل لازم يقراها كلها   الأحد مارس 09, 2008 5:52 pm

على فكره بقى عندا فيك ياسي ايه شيكسو الا شيكسو ده اللي بربع جنيه ها اسم مش اممممممممم ماعلينا اصله كده يعني مشششششششششششششش وانا مالي المهم
هههههههههههههههههههه
انا بقى ح احضر كل قعده وابقى وريني ح تعمل ايه
هههههههههههههههههههههه
مش انت بتحب الهزار ده انا ح اهريك
Cool Laughing Twisted Evil
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
remondaaaaa

avatar

انثى
عدد الرسائل : 136
العمر : 26
الموقع : www.as7abak.yoo7.com
العمل/الترفيه : بعشق
المزاج : وانت مالك انت يلا
تاريخ التسجيل : 05/03/2008

مُساهمةموضوع: رد: ديك البرابر, صدقوني يا جماعه بجد الكل لازم يقراها كلها   الثلاثاء مارس 11, 2008 3:15 am

هههههههههههههههههههههههههههههههههههههههههههه
احلى اعده والله يا فايض
وكمان شكسوموجود معانا
دى هتبقى اجمل واشد
شكسو ايمى لازم تبقى معانا كمان دى اختنا يعنى ازاى نسبها
تاااااااااااايس توبيك فاااااااايض
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.as7abak.yoo7.com
Foda
Admin
avatar

ذكر
عدد الرسائل : 229
العمر : 30
الموقع : www.as7abak.yoo7.com
العمل/الترفيه : Writing - Acting
المزاج : مجروح
تاريخ التسجيل : 15/02/2008

مُساهمةموضوع: رد: ديك البرابر, صدقوني يا جماعه بجد الكل لازم يقراها كلها   الأحد مارس 23, 2008 3:38 am

هههههههههههههههههههههههههههههههه

حبقى اعمل قاعده اسمها شيكسو و ايمى

هههههههههههههههههههههه

مرسيى لمروركم و روحكم العاليه دى

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://as7abak.yoo7.com
 
ديك البرابر, صدقوني يا جماعه بجد الكل لازم يقراها كلها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.The-Pain.yoo7.com :: المنتديات العامة :: قعدة مزاج-
انتقل الى: