بجد انا عاوز حد يرد عليه في المشكله دي
بصوا بقي .......
واحد كان بيحب واحده مش حب ده كان عباده
ضحي بكل حاجه علشانها وعاشوا مع بعض احلي ايام
وهي كانت بتحبه او كانت مبيناله كده
هي مشكله واحد صاحبي بدون ذكر اسامي
بجد بيحكيلي علي مشكلته دي وهو متدمر من جواه
مهما حكيت لكوا عن اللي كان بيحصل بينهم
مش حتتخيلوا هو كان بيحبها أد ايه
المهم بعد الحب ده كله
تحصل المشكله بقي وهي ....
تكلمه في التليفون تقوله في عريس متقدم لي
وأهلي وافقوا عليه وانا مش قادره ارفضه
ومش عاوزه ارفضه ولازم ننسي بعض
وانسي اللي عيشناه مع بعض
يقولها طب اللي كان بيننا ده ايه؟؟؟؟؟؟
شوفوا بقي ردت عليه قالتله ايه
" عادي ايه يعني انا مش عوزاك انا ححاول احب
العريس اللي متقدم لي "
مع انه كان بيعشقها وهي كانت بتضحك عليه
وبتقوله بحبك
هههههههههههههههههه حتحاول تحب التاني
والله مش عارف اقول ايه في حد كده دلوقتي
حد يقدر يقولي هي عملت كده ليه
ومع مين مع القلب اللي حبها اللي ادالها كل حاجه
لدرجه انه خسر ناس كتير اوي من اللي يعرفهم
علشان هي عاوزه كده
يعني واحد عمل مع واحده كل ده وفي الاخر تعمل
معاه كده
طيب هي عملت كده ليه !!!!!!!!!!!!!!!
هو في بنت دلوقتي بتتغصب علي الجواز للدرجه دي
ولا هي كانت بتتسلي وخلاص ولا ايه
حد يفهمني يا جماعه علشان انا بجد مش فاهم
هي عملت كده ليه
وبجد ربنا يكون في عون العريس الجديد
المخدوع يا عيني
ميعرفش ايه اللي مستخبيله
ربنا معاك يا صاحبي
موضوع: مش فاهم حاجه 
الأربعاء مارس 12, 2008 9:47 pm
