الرئيسيةالتسجيلدخول

شاطر | 
 

 لا يحدث الا فى مصر, قصه واقعيه

اذهب الى الأسفل 
كاتب الموضوعرسالة
Foda
Admin
avatar

ذكر
عدد الرسائل : 229
العمر : 30
الموقع : www.as7abak.yoo7.com
العمل/الترفيه : Writing - Acting
المزاج : مجروح
تاريخ التسجيل : 15/02/2008

مُساهمةموضوع: لا يحدث الا فى مصر, قصه واقعيه   السبت مارس 15, 2008 12:19 am


السلام عليكم
ساقدم لكم قصه من الواقع
وارجو ان تنال اعجابكم
فى مبنى وزارة الزراعه
انه اسعد يوم فى حياتى فاخيرا ساحصل على الوظيفه التى كنت اتمناها منذ سنوات0 فمنذ تخرجى فى كلية الزراعه منذ3 سنوات وانا احاول ان حصل على هذه الوظيفه تقدمت كثيرا وفى كل مره كان يتم استبعادى لاسباب انتم تعلمونها جيدا0 فانا من اسرة
متوسطة الحال وبالتالى لا املك الوسطةالتى دا ئما
يطلبونها لكى يتم تعيينى.فانا لا يمكن ان انسى اول مرة تقدمت فيها من اجل ان احصل على هذه الوظيفة.فجاه وجدت نفسى امام لجنة من خمسة افراد وبدا الاستجواب.
اسمك ايه:رشا حسن
عندك كام سنة:22
معاكى وسطة:افندم وسطة ايه سعادتك
انتى مش عارفة يعنى ايه وسطة.يعنى تعرفى حد كبير
بالطبع لا بس انا معاى مؤهل عالى انا طلعت من العشرة الاوائل فى الكلية
طب روحى وفوتى علينا بعدين
بس يا فندم.
انا قلت روحى وخلاص الامتحان خلص
.ثم ينادى على السكرتيرة:اللى بعده
بالطبع لا استطيع ان انسى ذلك اليوم فجاه شعرت بياس شديد حتى انىلم استطع ان امسك دموعى
وقلت لنفسى لماذا يحدث لى هذا؟ هل لانى فقيره
وليس لدى وسطة يتم استبعادى من التعيين فى الكلية
والان لم احصل على الوظيفة التى كنت اتمناها
ماذا افعل؟ ابعد ان اتفوق فى دراستى اصدم بهذا الواقع الاليم انه ليس لدى فرصة عمل لانى فقيرة
وبلا وسطة.
كل هذا كان يدور فى ذهنى وانا اجلس فى مكتب سكرتيرة مدير الادارة وفجاة تنبهت.
سكرتيرة:انسة رشا المدير فى انتظارك اتفضلى
رشا: شكرا
فى مكتب المدير

رشا:السلام عليكم
المدير:وعليكم السلام ورحمة الله وبركاته
المدير:انتى مين وعايزه ايه
رشا:انا الموظفه الجديده
المدير:هو انتى .. مش انتى اللى اسمك رشا
رشا:ايوه يافندم هو حضرتك تعرفنى
المديرفى سخريه:وهل يخفى القمر. مش انتى اللى بقالك 3 سنين بتتقدمى للوظيفه وفى كل مره بتترفضى
رشا:يافندم انا فى كل مره بترفض لسبب واحد انى معنديش واسطه
المديرفى سخريه:والظاهر انك اتعلمتى الدرس المره دية وجبتلهم الواسطه اللى كانوا عايزينها.
كانت مين وسطتك؟
رشا:الوزير
المدير بارتباك:بتقولى الوزير—يابنتى اتفضلى اقعدى مايصحش تقفى تحبى تشربى ايه
رشا:شكرا يافندم انا مش عايزه حاجه
المدير: لا لازم تشربى نقول ليمون
ثم ينادى على السكرتيره:عصير ليمون للانسه
المدير:وانتى بتقربى ايه للوزير
رشا: انا معرفوش شخصيا
المدير:بتقولى ايه.. طب ازاى كان وسطتك
رشا: حضرتك مش فاهم الموضوع اصل انا لما لاقيت انهم بيرفضونى فى كل مره علشان الواسطه
رحت بعت جوابات للوزيروحكتله عن الموضوع وليه هما بيرفضونى.
واتفضل سيادته وحقق فى الموضوع ولما اتاكد بانى بقول الحقيقه مضى قرار تعيينى على طول
المدير فى غضب: يعنى انتى متعرفيش الوزير
رشا: ايوه
المدير:طب فذى قومى
ثم ينادى على السكرتيره:سكى على الليمون

فى حجرة الموظفين


وهكذا انتقل بى المدير الى حجرة الموظفين
وهى حجره واسعه مليئه بعدد هائل من الموظفين والمكاتب
المدير:اتفضلى يانسه رشا الكرسى ده وان شاء الله احاول ادبرلك مكتب
رشا فى اندهاش:كرسى0طب هاشتغل بيه ازاى
المدير:هتقعدى على الكرسى وتشوفى اى مكتب من مكاتب الزملاء وتشتغلوا مع بعض وانا ارشحلك الباشمهندس عمر فهو نفس تخصصك
المدير موجها حديثه للباشمهندس عمر: عندك مانع
عمر فى ضيق:لا ابدا ده حتى انا ممكن اسيبلها المكتب بتاعى خالص
رشا:لا وانا مرضاش تسيب مكتبك علشان خطرى
انا هابقى اقعد جنبك واحاول اشتغل من غير مسبب ليك ازعاج
المدير:طب اسبكم انا دلوقتى علشان تتعرفوا ببعض وتنسقوا العمل بينكم ومش عايز اسمع اى مشاكل يانسه رشا مفهوم
رشا: مفهوم يافندم وان شاء الله مش هيكون هناك اى مشاكل
عمر:طب تسمحيلى اتعرف بيكى
رشا:انا رشا حسن وانت
عمر:عمر محمود
رشا: اهلا وسهلا بيك
عمر:اهلا وسهلا بيكى معانا فى الوظائف الحكوميه
وياريت متزهقيش من شغلنا وتمشى زى اللى سبقوكى
رشا:لا متقلقش من كده انا بحب الشغل قوى وعمرى مزهق منه
عمر: مهو المشكله انه مفيش شغل اصلا كل الحكايه الصبح تمضى حضور وبعد الظهر تمضى انصراف
رشا: وبين الصبح والظهر اعمل ايه
عمر:اللى يريحك ممكن تمشى وترجعى على الظهر او تقعدى معانا هنا نتكلم مع بعض عن احوال الدنيا
رشا:ده انتوا كده بتتعبوا قوى
عمر:وياريتهم بيقدروا

هذا ماحدث لى فى اول يوم
اما ثانى يوم فهذا فى
فى صباح اليوم التالى حدث الاتى:

رشا توجه كلامها لعمر:صباح الخير يابشمهندس عمر
عمر:صباح النور انسه رشا
الظاهر انك نويه تستمرى معانا فى الشغل
رشا:اكيد هاستمر معاكم. انا مصدقت لقيت الشغل ده
عمر:المهم متزهقيش منه
ثم ينظر الى الذى بيدهاويسالها:ايه الورق ده
رشا:ده ورق المشروع بتاعى هاقدمه للمدير النهارده
عمر:مشروع حته واحده . طب ممكن اشوفه
رشا:اتفضل
عمريقرا المشروع وتظهر على ملامحه علامات الانبهار ثم يقول:
مدهش رائع مشروعك ده جميل فعلا
ياااااااه خمس سنين بس وصحراء مصر كلها تبقى خضراء
مشروعك جميل قوى بس ياريت يتحقق
رشا:وايه اللى يمنع انه يتحقق انا هاقدمه للمدير النهارده وخلال فتره قليله هيوافقوا عليه
عمر:دانتى بتحلمى. دا اول مانع هاتقبليه هو المدير
رشا:وايه اللى هيخلى المديريمانع على المشروع
عمر: حاجه بسيطه انه مش هيفهمه
رشا:وايه اللى هيخلى المدير ميفهموش هو مش خريج زراعه زينا
عمر: لا ده معاه اعداديه
رشا فى ذهول:اعداديه .امال اتعين هنا ازاى
عمر: زى كل الناس بالواسطه اصل هو مجوز بنت عم وكيل الوزاره
رشا:اه.بس ده برضه مش مانع
عمر:انتى قصدك ايه
رشا:قصدى يعنى هو لو مفهمش المشروع هتعجبه فكرته
عمر:حتى لو عجبته فكرته مش هيوافق عليه
رشا: ليه
عمر: تقدرى تقولى عنده عقده
رشا: عقده. انت قصدك ايه
عمر:اصل هو بيرفض اى مشروع بيتقدمله
رشا: ليه
عمر: متعقد من انه معاه اعداديه وبقية الموظفين معاهم مؤهل عالى
رشا: يعنى قصدك انه علشان يرتاح من عقده يعقدها علينا احنا
عمر: عليكى نور
رشا:بس انا مش هاستسلم .هاروحله واحاول اقنعه
عمر : ربنا معاكى ويعينك عليه وعلى عقده

فى مكتب المدير
فى مكتب المدير
رشا: صباح الخير
المديرفى ضجر:عايزه ايه يانسه رشا. المكتب بتاعك هيجى بعد شهرين
رشا:لا يافندم انا مش جيه اسال على المكتب
المدير:امال جيه ليه
رشا:انا عايزه اقدم لحضرتك مشروع بخصوص استصلاح الاراضى
المدير:مشروعك مرفوض من قبل ماقراه
رشا تهمس :ده فعلا متعقد قوى
المدير: بتقولى حاجه يانسه
رشا :ابدا يافندم.بس ياريت حضرتك تقراه وتقولى رايك فيه. اكيد كلام حضرتك هيفيدنى
المدير:بالتاكيد يابنتى الخبره مطلوبه فى المشاريع دية .هاتى مشروعك
رشا: اتفضل يافندم
المدير:واوعدك يابنتى انى هاقراه النهارده واقولك رايى فيه بكره ان شاء الله
رشا:شكرا قوى يافندم .وان شاء الله مشروعى هيعجب حضرتك
المدير: اتفضلى دلوقتى على شغلك
رشا: حاضر يافندم
بعد خروج رشا يضع المدير ورق المشروع فى سلة المهملات ثم يقول لنفسه:كده انا استريحت

فى اليوم التالى:

رشا تدخل الى مكتب المدير وهى فى غاية اللهفه لسماع رايه فى مشروعها

رشا:صباح الخير
المدير:صباح النور .انا عارف انتى جيه ليه دلوقتى بصراحه انتى مشروعك فاشل زى كل زمايلك مش عارف انتى ازاى اتخرجتى فى كلية الزراعه وكمان بتقدير عالى
رشا:بس يافندم المشروع بتاعى عجب كل الزملاء وكلهم موافقين عليه
المدير:اصلهم زيك مبيفهموش حاجه خالص
رشا وهى تبكى:طب يافندم ممكن اخد المشروع بتاعى
المدير:لا
رشا:لا ليه
المدير:اصل انا قطعت المشروع ورميته لانى لقيته مشروع فاشل
رشا:بس ده مش من حقك وانا هاقدم شكوى فى حضرتك
المدير:اعملى اللى انتى عايزاه بس مش هتلاقى حد يصدقك
رشا:هانشوف يابو اعداديه
المدير: بتقولى ايه انتى متحوله للتحقيق

وبذلك ايها الساده تنتهى كل احلام الشباب لان المسئولين ليس عندهم اى رغبه فى اصلاح البلد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://as7abak.yoo7.com
emy
وسام عضو مميز
وسام عضو مميز
avatar

انثى
عدد الرسائل : 33
الموقع : www.as7abak.yoo7.com
تاريخ التسجيل : 24/02/2008

مُساهمةموضوع: رد: لا يحدث الا فى مصر, قصه واقعيه   الإثنين مارس 17, 2008 9:21 pm

بصراحه هو فعلا الوضع عندنا هنا من ناحية الشغل بقت كده وسايط وبس ومش مهم يكون معاك ايه
وانا حسيت بالموضوع ده لاني مجرباه لاني حاولت ادور على شغل بالحاجات اللي معايا من شهادات ومنفغش
بس لما جبت واسطه اتعينت من تاني يوم ح اعمل ايه هو الوضع بقى كده وحمدت ربنا بعدها ان الواحد يعرف حد ربنا يكون قي عون اللي ما يعرفوش اي حد
وشكراااااااااااااااااااااااااااااا على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لا يحدث الا فى مصر, قصه واقعيه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.The-Pain.yoo7.com :: المنتديات العامة :: الثقافة-
انتقل الى: