ليه خنتني!!

يامرسى..ياحزين..ليه خنتني..
ليه الناس حولك تكاثرت..
ليه القمر بنوره الصافي صورك..
ماقلت لك.. موعدي الليله هنا..
حبيبتي راح تجي هنا..
وانت خنتني..
شوف يامرسى .. الليله زوارك كثير..
واحد ماسك عوده يدندن..
طفل نقش على رملك البارد حروف..
عصفور فوق شطك المالح يطير..
اخيراُ لقيت لانشغالي تفسير..
بطرح اهتمامي بذاك العصفور..
لاجل مايبان فيني الحيره والخوف..
وانا جالس بطرف هالمرسى المكسور..
اشرب قهوتي البارده..
تعمدت ما اكثر من السكر .. لاجل اسهر..
ماغير هالعصفور يسليني ..
وانت يامرسى خنتني..
تصدق يامرسى كثر الناس الي مروا عليك ..
مروا علي .. ويمكن اكثر ..
احد بكاني .. واحد بكا علي..
واحد مرني مثل نسمه .. ليتها تعود ..
الليله تصدق الوعود ..
وينك ياسود الغيوم ..
ما ابي اشوف الليله قمر ..
وينك ياموج ظلوم ..
ما ابي حولي بشر ..
ما ابي احد هنا .. غيري انا ..
حبيبتي راح تجي هنا ..
وانت خنتني ..
الوقت تأخر ..
ومالصبري اخر ..
كل الي تمنيته صار .. اختفى القمر ..
لكن بان وجه النهار ..
محد(ن) بقى كل(ن) رحل ..
ماعدت اسمع دندنه ..
ونقش الطفل جا ريح وادفنه ..
والعصفور الجايع راح يدور لقمته ..
ليتني رميت له كسرة رغيف .. وكسبت رفقته ..
ليتني دريت ..
جفوني مثل ترابك يامرسى ..
دوم يزورها الدمع ..
ليتني ماشفت ساعتي ..
ليتني مادريت .. حبيبتي تأخرت ..
كـــــذب الوعود ..
وانا بطرف هالمرسى المكسور ..
عاشق ملهوف ..
يبكي ..
كل شي ملكته الليله ..
الا الظروف ..
ماجتني حبيبتي ..
وانت يامرسى ..
لـيـه خــــنـتـنــي ..