أنا باحسد الكحل اللى كحل رموشك
وأحمر شفايف اللى زين شفايفك
أنا باحسد الليل اللى سهر عيونك
واحسد عيونى لما اكون ياحبيبتى شايفك
أنا باحسد كل كلمة بتسمعيها
كل كلمة بتقوليها
كل حاجة تحسى بيها
عارفة ليه
أحبك أحبك مش عارف قد أيه
فى عيونك السمر بألقى روحى وكيانى
ياللى الحنان سره هو حنانك
ده الحب ده اكيد حب مخلوق عشانى
وانا برضه قلبى يا ملاك مخلوق عشانك
***********
حريـــــــــة
جوايا قلبى شجر مقلوع
باعطش إليكى وأحن وأجوع
ياللى انتى حبك حرية
فى العشق آه ولا شئ ممنوع
يا سمرا يا سمرا
دى شفايفك لمّا بتتنهد أنا باستشهد
وبعيش فى النار ..أعيش فى النار
وعيونك لمّا بتتلفت أنا بتفتت
ملحقش احتار .. ملحقش احتار
ضمينى خدينى انا لاجيء
و لاول مرة بكون صادق
دوبنى العشق و مش فارق
ليل ولا نهار
يا سمرة يا سمرة
الجنة قصادى بتفتح
عنيكى بتسكت و تلمح
و تقول اسرار
هزينى بسحرك من جوه
ده أنا قلبى لاحول ولا قوة
ضد التيـــار
انا عارف انى ماليش دية فى عنيكى دية
آخر المشوار
ضمينى خدينى انا لاجيء
و لاول مرة بكون صادق
دوبنى العشق و مش فارق ليل ولا نهار
يا سمرة يا سمرة
*************
ابكــــــــــــــى
ابكـــى لو فى عينى دمـــوع
واضحكـــى لما اكـــون فرحـــان
احضنينى لو الغرام ممنوع
حسى بيا وبعنيا كونى شوق وحنان
محتاجلك تبقى جنبى تبقى قلبى تبقى عمرى تبقى روح الروح
انا عايزك تبقى ليا تبقى فيا اوعى ثانية من حياتنا تروح
تبقى صوتى لما اغنى تبقى عينى لما اشوف
تبقى احساس الامان اللى عمره ما يبقى خوف
*********
بتبعديني
بتبعديني عن حياتك بالملل
وخلتيني اقول خلاص مافيش أمل
استمري هتخسريني
استحالة هتكسريني
وحسسيني انك حجر
او وردة دبلت ع الشجر
صبرت صبر غريب رهيب لا يحتمل
وبتوهمينى انى ظلمتك
عملت ايه يجرح كرامتك
كل اللى ممكن اعمله معاكي اتعمل
بتوهميني ان الحكاية بتنتهي
ابعد وقبل ضياعي منك تندمي
مابقتش بعرف دمعتك من ضحكتك
أصرخ مافيش ولا صرخة مني تسكتك
ما عرفش ليه بتعذبيني
لو بجرحك امشي وسيبيني
ساكته الحياه بينك وبيني
احساسي بيكي راح اكيد
مش محتمل
**********
دايرة الرحلة
فى دايرة الرحلة طرق بينا تخلا
آه يا حبيب عمري وصحبتي وقمري
عيون مرة تباعد
خطاوي مرة تعاند
حنين جوانا يحكي
وشوق جوانا يبكي
والدمع ساقية كبت
فى دايرة الرحلة طرق بينا تخلى
ليه يا سنين العمر ترضي لنا بالمر
ده لولا فينا صبر لهان علينا العمر
فى دايرة الرحلة ايامنا على المولى
ليلنا آيا ليلنا مرة هتحلالنا
تميل على ميلنا فى دايرة الرحلة
رحلة يا رحلة ياصعبة يا سهلة
رحالة خطوتنا فى دايرة الرحلة
عيون مرة تباعد
خطاوى مرة تعاند
حنين جوانا يحكى
وشوق جوانا يبكى
والدمع ساقية كبت
فى دايرة الرحلة طرق بينا تخلى
**************
شىء من بعيد
شىء من بعيد نادانى
واول ما نادانى
جرالى ما جرالى
و مش بأيدى يابا
نادانى من يمينى ولسة بينادينى
بيقولى حصلينى على بلد العجايب
نادانى من شمالى قال يا ام المهر غالى
تعالى قوام تعالى خدى من الحب نايب
ومش بأيدى يابا
**********
لما النسيم
لما النسيم بيعدي بين شعرك حبيبتي بسمعه بيقول آهات
وعطورك الهادية اللي دايبة فيكي كل ماتلمسك بتقول آهات
عايزاني ليه لما تقوليلي بعشقك ما اصرخش واملاالكون آهات
يا نجمة كل ما ضيها يلمس حجر يعلا ويتحول قمر
بكتب حروف اسمك بحبات الندى على كل اوراق الشجر
مين اللي يقدر يوصفك زيي انا
مين اللي يقدر يعشقك قدي انا
يا حلم نفسي تحلمه كل القلوب
يا اعلى احساس شدنى خلاني ادوب
خلاني احس اني بشر
عايزاني ليه لما تقوليلي بعشقك ما اصرخش واملا الكون اهات
************
هاااااااااااااااااااااى على احلى منتدى انا حبيت اشارك بكلمات حلوه ويريت تعجبكم واشوف رايكم وخصوصا انت يا فايد لازم اعرف رايك وكمان ايمى لازم تورنى برئيها وهى كلمات الكينج محمد منير
والكبير كبير يا محمد يا منير