الدربندوخ الدربندوخ, القعده المرادي تجنن تعالوا محضرلكم مفاجأه من العيار التقيل

بالصلاه علي النبي يا عم سيد حته الحشيش انهارده ايه علي كيف كيفك

- عندك حق ياد يا مصري اكتم يا معلم

- كوووووووووح كوح كوح ووووح تفوووووو ثم كوووووووووووح ( طويله ) وتفووووووو مره اخري

- مالك ياد يا مصري انهارده دي خامس مره تكح

- مش عارف ياعم سيد في ايه انا تعبان ولا ايه

المعلم حنفي : دي عين حاسود وصابتك اكيد ده انت كنت زي الحووت تاخد الحجر في نفسين ميتهزش ليك رمش

رمزي بيه : حسود ايه بس ياعم حنفي ده كلام يقوله راجل في القرن الحادي والعشرين

تيتو : الف سلامه عليك يا مصري اجبلك دوا كحه ؟

انا : اتلم ياد وغور بعيد عني لافقعلك عينك هي مش ناقصه تريقه وحياه امك

رمزي بيه : هههههههههههههههه ده اظاهر كلام المعلم حنفي صح انت باين عليك محسود هههههههههه مالك خلقك بقي ديق كده وبتتنرفز من اقل حاجه مش عوايدك

انا : مش عارف يا رمزي بيه والله انا نفسي مستغرب تصور امبارح البت بتاعتي بتكلمني في التليفون هذرت معايا قمت شاتمها ومهزئها وقافل في وشها السكه !! وياريت علي قد كده ده انا بقالي كام يوم تعبان ومش قادر اعمل حاجه ونفسي رايحه عن كل حاجه حتي الكيف تصور!!!

سيد افندي : للدرجادي !! ده الكلام جد بقي اللي انا سمعته

رمزي بيه : بس يا سيد افندي انت اتجننت ولا ايه

انا : في ايه يا جماعه مخبيين ايه عليا هو انا حموت ولا ايه

رمزي بيه : يا راجل انت حتاخد علي كلام سيد افندي ده هو بس بيحب يهذر معاك

انا : لا بجد بقي انا اتوغوشت انتوا حتقولوا في ايه ولا نفضها سيره ونقلب القعده دي انهارده

سيد افندي : ايه يا مصري في ايه ما تهدي يا اخي شويه انا حقولك اللي سمعته ..... اصل الحكايه يا سيدي ان الوليه مراتي كانت رايحه عند الشيخ مبروك تجيب منه حجاب قامت قابلت الست ام ماجي جارتنا هناك

انا : طب وانا ايه علاقتي بالموضوع ما تتحرق ماجي علي الشيخ مبروك علي مراتك ياعم سيد في يوم واحد

المعلم حنفي : ما تصبر ياد يا مصري اما نسمع ايه الحكايه بالظبط هااااا كمل يا شيخ مبروك ىىىى قصدي يا سيد افندي

سيد افندي : وطبعا الست حرمنا مفوتتش الموضوع كده بالساهل فضلت تتطأس وتستفسر علشان تعرف الست ام ماجي كانت بتعمل ايه عند الشيخ مبروك

انا : وعرفت ولا جالها انزلاق غضروووفي

نيااااااااااااااههههههههههههههههههههههههههههههههه حلوه صح هههههههههههههههههههه كمل كمل ياعم سيد

سيد افندي : انا اظاهر عليا غلطت اني برسيك علي اللي عرفته

تيتو : لا والله بجد ازعل منك يا عم سيد كمل وانبي حكايه عمو الشيخ مبروك دي،دي حلوه خالص

المعلم حنفي : يبني هي حكايه قبل النوم ما تهمد بقي بدل ما اناولك في وشك

سيد افندي : طيب بس بس حكمل وامري لله ...... المهم يا سي محمد الست جماعتنا وبعد ما ناولت الشيخ مبروك المعلوم عرفت هي كانت هناك ليه

انا : الا صحيح يا عم سيد ليييييييييييه ؟؟؟

سيد افندي : انا اقولك يا سيدي بقي الست ام ماجي كانت هناك علشان تشوف حل لبنتها اللي متقدملهاش ولا عريس والست خايفه علي بنتها وخايفه ليفوتها قطر الجواز

انا : طب ودي مين حيتقدملها اصلا دي يا عم سيد دي لسانها اطول منها ومجنونه

سيد افندي : ما تصبر علي رزقك

رمزي بيه : ويا تري لاقتلها عريس ابن حلال يكون من الجن الاحمر ولا الاخضر

المعلم حنفي : ده ولا حفيد ابليس نفسه يستحملها انا عارفها البت دي دي مخها لاسع

سيد افندي : مانتوا لو تعرفوا امها عملت عمل لمين علشان يحب البت ويتجوزها مكنتوش ضحكتم كده

انا : وياتري مين اللي ربنا غضبان عليه ده يا سيد افندي

سيد افندي : يعني معرفتش لسه ؟؟

تيتو : متقول بقي ياعم سيد انت شوقتني اوي

المعلم حنفي : اوعي يكون قصدك .......

رمزي بيه : بالظبط يا معلم حنفي هو بعينه

انا : يا جماعه في ايه انا مش فاهم حاجه قصدكم علي مين ؟؟ الواد تيتو ؟؟

تيتو : فشر انا ابص لدي ده لو حتي عملولي البحر عصير جوافه مش حته عمل عبيط

انا : امال مين بس حيرتوني معاكم

سيد افندي : الست ام ماجي عملتلك انت العمل يا مصري

انا : نعم نعم نعم نعم انا !!!!!!!!!!!!! عم سيد بلاش هذار في الحاجات دي وانبي

سيد افندي : يبني وانا حهذر معاك ليه انا قلتلك اللي جماعتي قالتهولي وانت حر خلي بالك من نفسك بقي

رمزي بيه : سيبك يا مصري من الخرافات دي عمك سيد راجل طيب ولسه بيعتقد في الاعمال والخرافات والسحر والكلام الفارغ

المعلم حنفي : خرافات ايه يا خويا اللي بتتكلم عنها انت بتستهون بالاعمال ده اناعندي شيخ ممكن يعملك عمل يخليك تنونو زي القطط هههههههههههههههههه نيااااااههههههههههههههههه

انا : ده وقت هذار يا معلم حنفي بس انا بدأت اقلق طب والكلام ده حصل امتي يا عم سيد ؟؟؟

سيد افندي : يجي من تلات ايام كده

انا : يانهار اسود بالظبط ده الكلام باينه بجد

سيد افندي : ايه هو حصل حاجه ؟

انا : اه يا عم سيد افتكرت . الست ام ماجي عدت عليا من تلات ايام كده وجابتلي طبق رز بلبن قالتلي عاملينه علشان مولد النبي وانا كلته من هنا والمغص اشتغل قمت عامل كبايه نعناع قلت يمكن ارتاح ومن ساعتها وانا حاسس اني متغير ومش علي بعضي

المعلم حنفي : بقي ده اسمه كلام برده يا محمد يا مصري يا راجل مولد النبي ايه بس ده احنا في شهر شعبان

تيتو : ههههههههههههههههههه ضحكت عليك الوليه يا مصري هههههههههه >>> الا صحيح يا معلم حنفي الا هو مولد النبي في شهر كام؟ اكتوبر ؟؟

رمزي بيه : الله يخرب بيت البهايم .. حد يقوم الواد ده من هنا

تيتو : ايه يا جماعه هو السؤال حرم خلاص مش عاوز اعرف

انا : احنا في ايه ولا في ايه طب والعمل يا سيد افندي دبروني يا اخوانا في الورطه دي انا كده حموت طيب ولا ايه ؟

سيد افندي : العمل عمل ربنا يبني انا علي حسب ما بسمع ان الشيخ مبروك ده سره باتع ومعملش عمل لحد وخاب ابدا وبيني وبينك سمعت انه بيعمل اعمال سفليه اعوذ بالله من الشيطان الرجيم من اللي محدش يقدر يفكها وبيقولو كمان انه بيخبي الاعمال دي في المدافن علشان محدش يقدر يوصلها

انا : يا نهار اسود يا نهار اسود .. سفلي وفي المدافن كمان يعني انا روحت في شربه ميه :021: :021: :021:

رمزي بيه : قصدك في اكله رز بلبن نياههههههههههههههههههههههههههه خد ياراجل شدلك نفسين وسيبك من الكلام الفارغ ده كله

انا : نفسين ايه بس يا سي رمزي انا بجد حاسس اني مش مظبوط وفيا حاجه غلط بقالي كام يوم وبحلم احلام وحشه وتعبان ومش قادر اعمل حاجه ده حتي المعسل اللي معليهوش حاجه مبقتش قادر اشده

المعلم حنفي : ماهو ده السر انك تتعب وتحلم الكوابيس دي تقوم لما تسال وتستفسر يقولولك انك لازم تجوز وان اللي بيجيلك ده من القعده لوحدك ولما تفكر في الجواز العمل بقي يشتغل وتطلعلك البت ماجي دي زي عفريت العلبه في كل حته لغايه ما تلاقي نفسك انت وهي في جنازه واحده قصدي في زفه واحده

انا : انت ايه رايك يا رمزي بيه في الكلام ده اصدق ولا ما صدقش ؟

رمزي بيه : والله يا محمد يا ممصري انا طول عمري لا بحب اسمع الحكاوي دي ولا اتكلم عنها ولا بصدقها اصلا دي كلها قله دين وعقل بعيد عنك

وانت يا معلم حنفي ؟؟

المعلم حنفي : ازاي الكلام ده معلوم في اعمال ده السحر مذكور في القرآن الكريم ودي ناس غاويه شر وعالم كفره بعيد عنك ممكن يعملوا اي حاجه علشان خاطر مصلحتهم :5:

طب وانت يا تيتو ؟؟؟

تيتو : انا عن نفسي ياعم بخاف من الحاجات دي مووووووت محدش يكلمني فيها وانا مالي يا اخويا :24:

وانت يا عم سيد ، ما تقول حاجه في اليوم اللي مش حيعدي ده

سيد افندي : والله يا مصري انا حقولك اللي اعرفه علي حسب علمي ان السحر ده مذكور في القران زي ما قال المعلم حنفي وان في ناس غاويه اذيه وبتبيع نفسها للشيطان زي الشيخ مبروك وامثاله من اللي بيستخدموا السحر في ازيه الناس والسحر يبني طول عمره في عاداتنا وتقاليدنا يعني الستات مثلا طول عمرهم لما يسرحوا شعرهم بيرموا الشعر اللي يطلع في المشط في الحمام يمكن الستات الجداد ميعرفوش ليه بس هما ورثوا العاده دي كده هي في الاصل علشان محدش ياخد شعرهم ويعملوهم بيه عمل ولا حاجه وطول عمر الستات لو حد من عيالها ولا جوزهاجراله حاجه تجيب عروسه ورق وتقعد تخرم فيها وتفقعلها عنيها وتخرملها وشها كله قال ايه علشان الحسد واللي بترقي بنتها ولا ابنها واللي بتعمل عمل بالرضا واللي عمل علشان تجوز بنتها زي اللي حصل معاك كده

انا : طب والعمل يا سيد افندي اعمل ايه ؟؟

رمزي بيه : الايمان بالله يا محمد يا مصري وبإن اللي من نصيبك حيصيبك وكل اللي عليك يبني تروح لشيخ في جامع تقوله اللي حصل وهو يقولك تعمل ايه

انا : طب افرض مصدقنيش ولا معرفش ينصحني

تيتو : يبقي مفيش غير حل واحد

انا : الحقني بيه ابوس ايدك

تيتو : تتجووووووووووووووووووووز البت ههههههههههههههههههههههههههههههه

انا :

وانتوا بقي ايه رايكم في قعدة انهارده ؟ ورايكم ايه في الكلام اللي اتقال ؟ وهل انتم مؤمنين بالاعمال والسحر ولا ده مجرد كلام فارغ ؟؟؟ وياتري انت لو مكاني كده في القعده دي كنت حتعمل اييييييه ؟؟؟

قاعده تجنن بس ادروخت من كتر الدخان ودماغي لفت
ههههههههههههههههههههههههههههههههههههههههههه
وبالنسبه للموضوع بصراحه انا بؤمن بموضوع السحر ده وبخاف منه لان بجد الناس بقت وحشه وفي ناس بقت متسلطه
عشان تاذي غيرها وكمان هو فعلا مذكور في القران فالواحد لازم ياخد باله
ولو لا قدر الله وحصل لاي حد موضوع زي كده احسن حاجه انه يتقرب من ربنا اللي احسن من الكل وفوق الكل
وتقرب قوي وبجد
وشكراااااااااااااااااااااااااااااااااااااا