لـــيــــلـــه مـــــطــر

لـــيــــلـــه مـــــطــر

دي ليله كانـــت ....... من حزني عانــــت ........ والدمعه سالــــت ..... لقلبي قالــــت .....
ربيعك فيــن..؟ قلت مــــات ... قالت والحنيــن ... ؟ .. هههه واجيبه منيــن .... ما خلاص الكل راح
طب والسنيـن.؟ اتباعوا في ساعات ... وليه نبره الانيــن ..؟ قلبي حزين .... تايه من وجع الجراح

وانتي تبقي مين ياللي بتسألي ..!.؟ انا ليله شتا .. نده عليا الجفا ... اللي حسيته في عيونك
جيت اشوف القلب .. اللي غرقان في مطر الكدب ... اللي انضحك عليه باسم الحب ... اه ياجنونك
وانا كنت اعمل ايه ... مين اختار قدره بأديه ... ..؟ وقلبك مين يشفيه ..؟ قلبي ليه رب هو عالم بيه

دي ليله شتايا .. مش رياح وبرد ومطر ... دي ليله بدايتها جراح وكدب والقلب خلاص انهجر

من غدر الاحبه .. الدمع نازل من عيوني .. انهار .. انهار
راحت فين المحبه .. الوجع تعبلي جفوني .. والقلب معاهم احتار
ده الالم جوايا نازل مطر ... سيل.. شلال ... والروح كفاها العدم .. والظلم يهز فيها ولا الزلزال
كنت معيشه احلي ايام .. كنت قايدله صوابعي العشره شموع
يحرق الاماني والاحلام ... ويبقي جزاتي الآلام وعذاب ودمــوع

وبقيت العصفور في ليله مطر ... وف قلبي جمره نـــــــــار
بصرخ وبقول ياناس يا بــشـر.... والله بحلم يجيلي نهـــــار
ضاعت الاماني الكبيره .... مابين غربه وحيره ... واهو سرق الزمان صوتي .. قبل اللحن والغنوه الاخيره
يا عصفوري يا حزين .. ابعد امشي ..سافر وانسي الحنين .. خد كل حاجه معاك .. يلا مش هستناك ...

خد مني ذكريات فاتت .. وفكره حب ماتت .. .. انسي العين اللي شافت .. كل ظلم وغدر وأسيه
خد الحب والورود ... امحيهم من الوجود.. وانسي الناس اللي خانت كل الوعود.. وجرحوا الطيبه والحنيه

يا قلبي .. يا املي ... يا بكايه .. تايه حزين متغرب .... خايف تاني اجرب .. وبدور ع النهايه
يا عمري. يا قدري.ايه الحكايه...ليه كاس الحزن بشرب.. ليه يا قلبي بتهرب.. ماخلاص خلصت الروايه

يا عصفوري يابو قلب جريح ......................... ليه غاويه الالم والتجريح ............ ليه عاوز تاني صوتك يضيع وسط الريح

ليه الندم يا انسان..؟؟؟ من غدر الزمان .. من مر الحرمان ... من جرح الحنان ... ليه جزاء الحب والطيبه يكون النسيان
ليه الندم يا انسان..؟؟؟ من فراق الاحباب .. من غدر الصحاب .. علي الحلم اللي اندفن تحت التراب .والود اللي كان سراب

كان القلب في هواهم داب ... كانوا اعز الاحباب .. وخلاص بقي بغشهم مريض مصاب ... ولا عمره ف مره ارتاح
سقوه كتير النار والعذاب ... وباعوه برخص التراب .. وخلاص جه وقت الندم والحساب.. وهعلمه ازاي يكون الدباح

واّدي حكايه ليله ألم .. فيها القلب انظلم .. واتولد الجرح من عدم
وسكت خلاص القلم..مبقاش قادر يتكلم... حزين ومعايا بيتندم

مبقاش قادر علي عزف الحـــانــــه ........... ودمـــــعه فارق مـكــــانـــــــه
وعلي خد الجرح ســـــــايــــــل .......... واّدي اللي كنت عنها قـــــــايــــــل
لـــــيــــــــلـه مـــــــــطــــــــــر

يافوووووووووووووووده يا جااااااااااااااااااااااااااامد
يافوووووووووووووووده يا فناااااااااااااااااااااااااان
كلامك هايل
انا بصراحه بموت فالكلام او الاغاني الحزينه اللي تقطع القلب بجد
مع اني يعني ما مرتش باي تجربه فاشله
غريبه انا صح؟
زود العيار بقى اوكي
بقولك سؤال كده هو انت اللي بتكتب الحاجات دي ها؟
وشكرااااااااااااااااااااااااا

ربنا يجعلك تجاربك فى الحياه كلها ناجحه

و ايون انا اللى بكتب الحاجات دى

و حزودلك عيار تقيل جداااا