شــجـــــر الــــــخــــيــانـه طــــرح

شجر الخيانه طرح.. واهو انقلب الفرح.. ورد الحب داب وانجرح.. وبتشيل ياقلبي جرح بيوجعك
زمن الغدر طال.. والبخت مال.. وبقيت مجروح رحال... والضحكه بقت موال .. ومين ياقلبي يسمعك
شجر الخيانه كبر .. والحب اتنسي والقلب اتهجر .. ماهو ده زمن العبر ... خلي بقي حبه ينفعك
ده ليل الخيانه طويل .. ده كان حلم جميل .. اهو خانه وخلاك ياقلبي عليل...كان بيغشك وبيخدعك
ماهو غاب عنه ضميره.. ده باع حلمه لغيره.. وحرق عش طيره .. اوعي تاني بدمعه يغريك
وانتا فكرته خلاص ملاك.. لقاك مكسور دواك.. قوام غواك.. ضحك عليك قالك شاريك
نسي الايام .. وف ثانيه باع الاحلام .. وقالك سلام .. وياسلام بتحن لطير ناسيك
وجاي تقولي فين الحنان.. بتقولي فين الي كان .. ماهو كان زمان .. فتح عينــــيك
اااااااااه والف ااااااه .. قلبي ياعيني عليه يا ولدااااه .. بيقولو حب وفين نلقاااه
ياناس حرام كفايه
ادي الي بيزرع خير من غير حساب .. بيحصد نار ظلم وعذاب
مفيش احساس ولا ايه الحكايه
ادي الي بيدي الكل .. من غير مايقول فين التــمـن
الكل بيدوقه الذل .. ويردهوله غدر هجر حزن نار.. ظلم وشجن
ادي ياقلبي عشره السنين ..يبيعوها في كلمتين
ادي الي شربو كاس الحنين.. يدونا حسابنا الم وانين
اااااااااه يا دنيا ااااااااه
يا دنيا نهارك ده ولا ليلك ... فرحك ده ولا ويلك
وانتا ياقلبي ايه باقيلك.. ايه باقيلك
غير بحر عذاب وجبال ظلم .. فدادين مرار
دوق بقي الكاس .. دوق ظلم الناس .. اتحرق بالنار
وبتملي في برج الصحاب .. وتكوم في صحاب.. وكله يا صحبي جار
ماتفوق بقي .. ماكفايه شقي .. دي الغلطه سوء الاختيار
انتا تختار .. وترميني في احتيار
ياما انكسار او انهيار
ولا تستعجب ولا تحتار
ماهو ده الحب .. قصدي الزمن
كله كدب .. وده مش توب ابيض ده كفن
وانتا واقف مكانك .. وانا اتألم علشانك..
وشجر الخيانه طارح في جنينه امانك
وشوكه بيسقط في طريقك
ماتسئلش ف ربيعك ولا خريفك
ماهو كله بيقيد ف حريقك
فوق بقي وبطل اوهامك وخاريفك
جرح الزمن ما بيرحمش
والحزن ع الي فات مابيشفعش
والدمعه ماتنفعش
وانتا ماتقدرش
ماتقولشي ليه ماتسئلش
خليك جاهل ماتعلمش
ولو عرفت ماتتكلمش
وامشي طريقك وما ترجعش
هيقولو كتير اعمل مابتسمعش
واوعي تلتفت وراك .. الي بيتلفت بيقع
والي بيقع .... مابيكملــــــــــش

زائر

كلام جميل جدا ينفع يكون اغنية بس اغنية حزينة عشان اصعب حاجة فى الدنيا الخيانة عارف يا فوده انا انجرحت كتير بس عشان انا عندى ارادة عرفت افوق نفسى لان الخيانة دى غيبوبة الى ميعرفش يفوق منها يعيش فيها طول عمره عارف سواء كانت خيانة صحاب او خيانة حبيبة او خيانة بلد ............. بس انا عايز اقول حاجة وحدة لكل الناس الى يبيعك بيعة وما تزعلش ولا تدمع عليه عشان محدش هيمسح دمعتك غير ايدك
معلش يا فودة الموضوع جميل بس انا جالى تلفون لازم امشى

معاك حق فى كل كلمه يا جوكر

بس مشكلتى انى لسه فى الغيبوبة ربنا يستر عليا و افوق منها

مرسيى لمرورك يا برنس لليالى

يااااااااااااه ع الجرح
ما اصعب الجرح؟
فوده بجد انا بتعب اكتر من كلامك وبحس اد ايه انا كنت غبيه او هبله اوحتى مخلصه لحد ميستهش الاخلاص
ويا جوكرباشا
انا بقى عاوزه اعرف انت بتفوق نفسك من الغيبوبه دى ازاى
انا فوقت منها قبل كده
بس المره دى مش قدره حتى افكر افوق منها
حبيتها بكل مافيها من جرح وحب
من فرحه ودمعه
من اشتياق واوجاع
من كل حاجه
نايس توبيك فوده

عدد الرسائل : 22 تاريخ التسجيل : 15/02/2008

هااااااااااااااااااااااااى عليكم الاول احب اقول حاجه ليك يا فود الاول
متندمش على حد ويا ريت تفكك من كل ده انا كنت الاول بقول ان فى حب بس طلع ضحك على الدئون
وكلمه ليك يا جوكر انت برنس وبحترمك مووووووووووووووت يمكن علشان انت بتعمل زى بحب اورى الى ادامى ان انا متجرحتش ودى صح
اما انتى يا ريموندا لو حبيبك ميستهلش الاخلاص اكيد هو مبيعملش كده من فراغ اكيد انتى بتعمليلو حاجه
وكلمه لكل الى هنا الى ميستهلش دى الى بتتكلم عليه ريموندى دى انا بس يا ريت تعرفكم الحكايه من اولها

عدد الرسائل : 22 تاريخ التسجيل : 15/02/2008

برده انا عند كلمتى ولو انا غلطان هقول غلطان بس لو مش غلطان خلاص يبقى مين الى غلطان ويا ريت تحكى بسرعه عايز اشوف موضوع تانى غير الموضوع ده ولو مش عيزه تحكى خلاص قوليلى على المنتدىاوك باااااااااااااااااااااااااااااااااااااااااى

متندمش على حد ويا ريت تفكك من كل ده انا كنت الاول بقول ان فى حب بس طلع ضحك على الدئون
لا فى حب وحب صادق كمان
ولو انت شايف ان مافيش حب يبقى ده عيب فيك انت مش فى حد
وانا يكفينى حبى ليك

معلش يا حبيب قلبى
انا مش بتكلم عنك
وحتى لو انت كنت غلط فى حقى
انا عمرى ما اسمح لحد يقول عنك انت غلط فى حقى
يولع حقى باللى عاوزه
المهم دلوقتى
انك انت الشخص اللى بحبوا وهعشلوا عمرى كلوا
ومستعده اعملوا اى حاجه وافديه بكل حاجه